37

انضمام الحق نے سینئرز کی قومی کرکٹ ٹیم میں واپسی کی حمایت کردی

پاکستان کیلیے جو بھی اچھا کرسکتا ہے اسے زیر غور لانا چاہیے، سابق کپتان۔ فوٹو : فائل

پاکستان کیلیے جو بھی اچھا کرسکتا ہے اسے زیر غور لانا چاہیے، سابق کپتان۔ فوٹو : فائل

 لاہور:  انضمام الحق نے سینئرز کی قومی ٹیم میں واپسی کی حمایت کردی۔

سابق کپتان کا کہنا ہے کہ اگر ضرورت ہے تو ان کو موقع دینے میں کوئی حرج نہیں، سابق کپتان نے کہا کہ ہمیں سلیکشن معاملات میں بہتری لانے کی ضرورت ہے،یہ نہیں کہا جاسکتا کہ ایسے کھلاڑی موجود نہیں جو ٹیم میں آکر پرفارم نہ کرسکیں،ان کو زیر غور لانا چاہیے خواہ وہ سینئرز ہی کیوں نہ ہوں۔

انضمام الحق نے کہا کہ اگر ٹیم کو ضروت ہے تو ان کی واپسی میں کوئی حرج نہیں، ٹیم منتخب کرتے ہوئے دیکھنا چاہیے کہ قومی ٹیم تشکیل دی جارہی ہے کوئی انڈر19سائیڈ نہیں،پاکستان کیلیے جو بھی اچھا کرسکتا ہے اسے زیر غور لانا چاہیے۔

انھوں نے کہا کہ زمبابوے کیخلاف سیریز جیتنے پر گرین شرٹس کو مبارکباد مگر ابھی ہمیں بہت زیادہ بہتری لانے کی ضرورت ہے۔

اس خبر پر اپنی رائے کا اظہار کریں

اپنا تبصرہ بھیجیں