12

بجلی کا بڑا بریک ڈاؤن، کراچی کے متعدد علاقوں میں بجلی غائب

ہائی ٹینشن لائن ٹرپ ہونے سے 25 گرڈ اسٹیشن متاثر ہوئے ہیں، کے الیکٹرک حکام۔ فوٹو:فائل

ہائی ٹینشن لائن ٹرپ ہونے سے 25 گرڈ اسٹیشن متاثر ہوئے ہیں، کے الیکٹرک حکام۔ فوٹو:فائل

کراچی: شہر میں بجلی کے بریک ڈاؤن کے بعد مختلف علاقوں میں بجلی غائب ہوگئی۔

ایکسپریس نیوزکے مطابق کراچی میں بجلی کا بڑا بریک ڈاؤن ہوا ہے، اور شہر کے مختلف علاقوں میں بجلی غائب ہوگئی ہے، سخت گرمی میں بجلی کی بندش سے شہری پریشان ہوگئے ہیں۔ ذرائع کے مطابق ہائی ٹینشن لائن ٹرپ کرنے کے باعث کراچی کے متعدد علاقوں کو بجلی کی فراہمی معطل ہوئی ہے۔

کے الیکٹرک حکام کے  مطابق ہائیٹینشن لائن ٹرپ ہونے سے 25 گرڈ اسٹیشن متاثر ہوئے ہیں، اور  نیو کراچی،گلشن اقبال، لیاقت آباد، بفرزون، شادمان ٹاؤن، نارتھ کراچی، سرجانی ٹاؤن، ایف بی ایریا، نارتھ ناظم آباد، گلستان جوہر، منظور کالونی، پی ای سی ایچ ایس،گلستان جوہر، ملیر، ناظم آباد، کورنگی، کھارادر، صدر، برنس روڈ، شاہ لطیف ٹاؤن، ڈی ایچ اے فیز 2 اور اسیکم 33  میں بجلی کی فراہمی بند ہوگئی ہے۔

دوسری جانب ترجمان وزارت توانائی نے بیان جاری کیا ہے جس میں کہا گیا ہے کہ کراچی کو بجلی سپلائی کرنے والی این کے آئی بلدیہ 1 اور 2 ٹرانسمیشن لائن میں ٹرپنگ کی وجہ سے بجلی فراہمی متاثر ہوئی ہے، باقی ملک کا پورا سسٹم اس وقت بالکل نارمل ہے، این ٹی ڈی سی اور کراچی الیکٹریک کے اہلکار بجلی بحالی میں مصروف ہیں، ٹرپنگ کی وجوہات کی بھی تحقیقات کی جارہی ہے۔

اس خبر پر اپنی رائے کا اظہار کریں

اپنا تبصرہ بھیجیں