53

پاکستانی پارلیمانی وفد کا دورہ افغانستان ملتوی ہوگیا

سیکیورٹی وجوہات کی بنا پر کابل انٹرنیشنل ائیرپورٹ بند ہے، ذرائع۔ فوٹو:اسکرین گریپ

سیکیورٹی وجوہات کی بنا پر کابل انٹرنیشنل ائیرپورٹ بند ہے، ذرائع۔ فوٹو:اسکرین گریپ

 اسلام آباد: سیکیورٹی خدشات کے پیش نظر پاکستانی پارلیمانی وفد کا دورہ افغانستان میں ملتوی ہوگیا۔

ایکسپریس نیوز کے مطابق اسپیکر اسد قیصر کی سربراہی میں پاکستانی پارلیمانی وفد نے افغانستان کا تین روزہ دورہ کرنا تھا، تاہم اب وفد کا دورہ افغانستان ملتوی ہوگیا ہے۔ ذرائع کا کہنا ہے کہ سیکیورٹی وجوہات کی بنا پر کابل انٹرنیشنل ائیرپورٹ بند ہے، جس کے باعث پاکستانی وفد کو بھی دورہ ملتوی کرنا پڑا۔

اس سے قبل میڈیا سے غیررسمی بات کرتے ہوئے اسپیکر قومی اسمبلی اسد قیصرکا کہنا تھا کہ پاکستان افغانستان کے ساتھ دوطرفہ تعلقات کو مزید مستحکم بنانے کیلئے عوام کی سطح پر روابط بڑھانے کا خواہا ں ہے، افغان قیادت کے ساتھ بات چیت کے دوران تجارت اور سرمایہ کاری کے امور زیر بحث آئیں گے۔ جب کہ پاکستان کا پارلیمانی وفد افغان صدر اشرف غنی اور وزیر خارجہ محمد حنیف  سے ملاقاتیں کرے گا۔

اس خبر پر اپنی رائے کا اظہار کریں

اپنا تبصرہ بھیجیں